कोविड रुग्णांनो, थेट खंडपीठात तक्रार करा



औरंगाबाद - कोविडचे रुग्ण किंवा त्यांच्या नातेवाईकांनी पत्र, ई-मेल किंवा वकिलामार्फत थेट खंडपीठात आपली तक्रार दाखल करावी. खंडपीठ त्याची दाखल घेऊन योग्य ती कारवाई करेल, असे आदेश मुंबई उच्च न्यायालयाच्या औरंगाबाद खंडपीठाचे न्या. तानाजी नलावडे आणि न्या. एम. जी. सेवलीकर यांनी शुक्रवारी दिले.
औरंगाबाद खंडपीठाने कोविड रुग्णांच्या हेळसांडीबद्दलची स्युमोटो याचिका दाखल करून घेतली. या याचिकेची सुनावणी मंगळवारऐवजी (चार ऑगस्ट) शुक्रवारी घेण्यात आली. रुग्णांवरील उपचारात होणारी हेळसांड, रुग्ण दाखल करून घेण्यात टाळाटाळ आदी अनेक प्रकारच्या नागरिकांच्या वाढत्या तक्रारींची दखल घेत खंडपीठाने, नागरिकांना थेट उच्च न्यायालयाकडे तक्रार करण्याचे आवाहन केले आहे. मात्र रुग्ण व त्यांच्या नातेवाईकांनी तक्रार दाखल करताना शपथपत्र दाखल करणे आवश्यक आहे. हे शपथपत्र जिल्हा न्यायालयाचे अधीक्षक किंवा संबंधित तहसील कोर्टचे उपाधीक्षक किंवा नोटरी यांच्यासमोर केलेले असावे असे न्यायालयाने म्हटले आहे.
या बद्दलच्या तक्रारी
-कॅटेन्मेन्ट झोनमध्ये जीवनावश्यक वस्तूंचा योग्य पुरवठा न होणे, रेशन कार्डधारकांना धान्य पुरवठा न होणे
-रुग्णालयात दाखल होताना करोनाग्रस्त, त्यांच्या नातेवाईकांना मदत केंद्रच उपलब्ध नसणे
-रुग्ण दाखल करताना रुग्णालयातील जबाबदार अधिकाऱ्यांनी सहकार्य न करणे, जबाबदार अधिकाऱ्यांनी निर्देश देऊनही रुग्णालयाने रुग्णास दाखल न करून घेणे
- योग्य उपचार होत नसल्यास
-शासन पुरवीत असलेल्या औषधी, इंजेक्शनचा उपयोग उपचारात न करणे

Post a comment

0 Comments