लहान भाऊ समजून माफ करा, महापालिका आयुक्तांकडून माफी, सत्ताधारी विरुद्ध आयुक्त वाद अखेर मिटला

मुंबई : मुंबई महापालिकेत प्रभारी निवडणुकीवरुन सुरु झालेला सत्ताधारी विरुद्ध आयुक्त वाद अखेर मिटला आहे. महापालिका आयुक्त इक्बालसिंह चहल यांनी अखेर महापौर किशोरी पेडणेकर तसेच सभागृह नेत्यांची माफी मागितली आहे. “मला लहान भाऊ समजून माफ करा,” असे इक्बालसिंह चहल यांनी महापौर पेडणेकर यांना सांगितले.

मुंबई महापालिकेच्या प्रभाग समितीच्या निवडणुका आयोजित केल्या होत्या. मात्र या निवडणूक कामकाजासाठी सहाय्यक आयुक्तांसह अधिकारीही गैरहजर राहिले. त्यावरुन महापौरांनी आक्रमक पावित्रा धारण करत दालनातच ठिय्या आंदोलन केले होते. याप्रकरणी महापौरांनी आयुक्तांनी फोनवर उद्धटपणे उत्तर दिल्याचा आरोपही केला होता.