सोलापूर : विवाहबाह्य संबंधात अडसर ठरणाऱ्या आपल्या जन्मदात्या मुलाचाच आईने तिच्या प्रियकराने काटा काढल्याचा धक्कादायक प्रकार सोलापुरात समोर आला आहे. सिद्धेश्वर सुभाष जाधव असं हत्या झालेल्या तरुणांचं नाव आहे तर मुक्ताबाई सुभाष जाधव असं हत्या करणाऱ्या कसाईचं नाव आहे.
माढा तालुक्यातील परितेवाडी शिवारात 22 वर्षीय तरुणाचा मृतदेह आढळून आला होता. या संपूर्ण प्रकरणाचा तपास केल्यानंतर सिद्धेश्वर सुभाष जाधव याच्या डोक्यात दगड घालून निर्घृण खून केल्याचं समोर आलं. धक्कादायक गोष्ट म्हणजे आपल्या पोटच्या पोराचा खून आईने तिचा प्रियकर महादेव कदम याच्या मदतीने केल्याचं पोलीस तपासात समोर आलं आहे.
तपास करताना त्यांना जेव्हा संशयाची सुई मुक्ताबाई जाधव हिच्याकडे आल्यानंतर तिला ताब्यात घेऊन घटनेची माहिती घेतली असता सारा प्रकार समोर आला. या घटनेनंतर महादेव कदम हा फरार होता मात्र ग्रामीण पोलिसांनी उंबरे पागे येथून त्याला अटक केली आहे. या घटनेचा अधिक तपास सोलापूर ग्रामीणचे टेंभुर्णी पोलिस करत आहेत.
0 Comments