पोलिसांनी शेतकऱ्याला मारणं सोडा स्पर्शही न केल्याचा भाजप आयटी सेलचा दावा

नवी दिल्ली : देशभरातील संघटनांनी मोदी सरकारच्या नव्या तिन्ही कृषी कायद्यांविरोधात  ‘दिल्ली चलो’चा नारा देत मोठं आंदोलन सुरु केलं आहे. या आंदोलनात

शेतकऱ्यांवर पाण्याचे फवारे, अश्रुधुराच्या नळकांड्या आणि लाठीचार्ज अशा प्रकारच्या कारवाया देखील झाल्या. याविरोधात देशभरातून संतापाची लाट उसळली आहे. मात्र, त्यातच भाजपचे आयटी सेल प्रमुख अमित मालवीय यांनी आंदोलनात शेतकऱ्यांना मारणं तर सोडा, पण लाठीचा स्पर्शही झाला नसल्याचा दावा करणारं ट्विट करण्यात आलं. यात एक व्हिडीओ जोडण्यात आला होता. हे ट्विट खोटा दावा करत असून चुकीची माहिती पसरवत असल्याचं ट्विटरकडून स्पष्ट करण्यात आलंय. त्यासाठीच मालवीय यांचं ट्विट ‘फेक न्यूज’ म्हणून प्लॅग झालंय. यामुळे भाजपची चांगलीच नाचक्की झाली आहे.